सुनको मूल्यमा भारी गिरावट

काठमाडौँ– सुनको मूल्यमा सोमबार भारी गिरावट आएको छ। अघिल्लो दिनको तुलनामा आज सुन तोलामा ३ हजार ७०० रुपैयाँले घटेको नेपाल सुनचाँदी व्यवसायी महासंघले जनाएको छ।

महासंघकाका अनुसार आज एक तोला सुनको मूल्य १ लाख ८६ हजार ८०० रुपैयाँ कायम भएको छ। त्यसैगरी, एक तोला चाँदीको मूल्य १ हजार ९६० रुपैयाँ रहेको छ।

आइतबार सुन प्रतितोला १ लाख ९० हजार ५०० रुपैयाँ र त्यति नै परिमाणको चाँदी १ हजार ९७० रुपैयाँमा खरिदबिक्री भएको थियो।