तोलामा ७०० रुपैयाँले घट्यो सुनको मूल्य

काठमाडौँ– नेपाली बजारमा बुधबार सुनको मूल्य तोलामा ७०० रुपैयाँले घटेको छ।

मंगलबार प्रतितोला १ लाख ८८ हजार ८०० रुपैयाँमा कारोबार भएको सुन आज १ लाख ८८ हजार १०० रुपैयाँ कायम भएको नेपाल सुनचाँदी व्यवसायी महासंघले जनाएको छ।

चाँदीको मूल्य प्रतितोला ५ रुपैयाँले घटेर १ हजार ९६५ रुपैयाँ कायम भएको छ। मंगलबार पनि सोही परिमाणको चाँदी १ हजार ९७० रुपैयाँमा कारोबार भएको थियो।

अन्तर्राष्ट्रिय बजारमा प्रतिऔँस सुन ३ हजार ३१० अमेरिकी डलर हाराहारीमा कारोबार भइरहेको छ।