चार्ल्स शोभराजलाई अध्यागमनमा बुझाइँदै

काठमाडौँ– हत्यासहितका विभिन्न अपराधको सजाय काटिरहेका चार्ल्स शोभराज रिहा भएका छन्।

फ्रान्सेली नागरिक शोभराजलाई शुक्रबार केन्द्रीय कारागारले अध्यागमनमा बुझाउँदैछ। उनी दुईजनाको हत्या र एकको हत्या प्रयास मुद्दामा अदालतबाट दोषी ठहर भई १९ वर्षदेखि केन्द्रीय कारागारमा थिए। सर्वोच्च अदालतले ज्येष्ठ नागरिकले पाउने कैद छुट दिएपछि शोभराज रिहा भएका हुन्।

बन्दी प्रत्यक्षीकरणसम्बन्धी रिटमा न्यायाधीशद्वय सपना प्रधान मल्ल र तिलप्रसाद श्रेष्ठको इजलासले उनलाई तत्काल जेलमुक्त गरी १५ दिनभित्र सम्बन्धित देशमा पठाइदिन आदेश दिएको थियो।