तराईमा बिहानैदेखि हुस्सु, पहाडमा पनि बदली हुने

काठमाडौँ– नेपालको पूर्वी भुभागमा न्यूनचापीय प्रणालीको आंशिक प्रभाव रहेको छ।

जसले तराईमा बिहानैदेखि हुस्सु र कुहिरो लागेको छ। हुस्सु र कुहिरोका कारण घाम नलागेपछि चिसो बढेको मौसम पूर्वानुमान महाशाखाले जनाएको छ। दिउँसो प्रदेश १ र गण्डकीका पहाडी भू–भागमा आंशिक बदली हुने सम्भावना छ।

बाँकी क्षेत्रमा भने मौसम सामान्यतया सफा रहने महाशाखाको पूर्वानुमान छ।