तोलामा ७०० रुपैयाँले घट्यो सुनको मूल्य

काठमाडौँ–  नेपाली बजारमा सुनको मूल्य तोलामा ७०० रुपैयाँले घटेको छ। 

आइतबार तोलामा १ लाख ७४ हजार ५०० रुपैयाँ रहेको छापावाल सुनको मूल्य आज १ लाख ७३ हजार ८०० रुपैयाँमा कारोबार भइरहेको छ। 

नेपाल सुनचाँदी व्यवसायी महासंघका अनुसार पछिल्लो चार दिनयता सुनको मूल्य घटिरहेको छ। चैत २१ गते हालसम्मकै उच्च मूल्य तोलाको १ लाख ८० हजार ३०० रुपैयाँ पुगेको थियो।

चाँदीको मूल्य भने तोलामा ३० रुपैयाँले बढेको छ। आइतबार तोलाको १ हजार ८०० रुपैयाँमा कारोबार भएको चाँदी आज १ हजार ८३० रुपैयाँ पुगेको छ।