आजको मौसमः प्रदेश १ मा वर्षाको सम्भावना

काठमाडौँ– हाल नेपालमा न्यून चापीय प्रणालीको सामान्य प्रभाव रहेको छ।

जसका कारण प्रदेश १ मा सामान्य  बदली हुने र बाँकी प्रदेशको मौसम सामान्यतया सफा रहनेछ। प्रदेश १ को पहाडी भू–भागका एक–दुई स्थानमा हल्का वर्षाको सम्भावनासमेत रहेको जल तथा मौसम विज्ञान विभागले जनाएको छ।

यस्तै प्रदेश १, बागमती र गण्डकी प्रदेशका उच्च पहाडी भागको एक–दुई स्थानमा हल्का हिमपातको पनि सम्भावना छ। बिहान तराईका क्षेत्रमा हुस्सु/कुहिरो लागेको छ।

देशका अधिकांश भू–भागमा तापक्रम घट्दै जाने सम्भावना रहेको हुनाले आवश्यक सावधानी अपनाउन पनि विभागको अनुरोध छ।