माधव नेपाल बने एकीकृत समाजवादी संसदीय दलको नेता

काठमाडौँ– नेकपा एकीकृत समाजवादी पार्टीको संसदीय दलको नेतामा माधवकुमार नेपाल चयन भएका छन्। 

सोमबार बसेको संसदीय दलको बैठकले पार्टी अध्यक्ष नेपाललाई दलको नेता चयन गरेको महासचिव बेदुराम भुसालले जानकारी दिए। 

उनका अनुसार दलको उपनेतामा उपाध्यक्ष राजेन्द्र पाण्डे र प्रमुख सचेतकमा उपमहासचिव प्रकाश ज्वाला चयन भएका छन्।

मंसिर ४ गते सम्पन्न प्रतिनिधिसभा निर्वाचनमा एकीकृत समाजवादीले १० सिट जितेको छ।