नवनियुक्त कुलपतिले लिए शपथ

काठमाडौँ- नेपाल प्रज्ञाप्रतिष्ठान, संगीत तथा नाट्य प्रज्ञाप्रतिष्ठान र नेपाल ललितकला प्रज्ञाप्रतिष्ठानका नवनियुक्त कुलपतिले पद तथा गोपनीयताको शपथ ग्रहण गरेका छन्। 

बिहीबार बिहान बालुवाटारमा प्रधानमन्त्री पुष्पकमल दाहाल ‘प्रचण्ड’ले नवनियुक्त तीन कुलपतिलाई पद तथा गोपनीयताको शपथ दिलाएका हुन्।

शपथ लिने नवनियुक्त कुलपतिहरूमा नेपाल संगीत तथा नाट्य प्रज्ञाप्रतिष्ठानका कुलपति निशा शर्मा, नेपाल प्रज्ञाप्रतिष्ठानका कुलपति भुपाल राई र नेपाल ललितकला प्रज्ञाप्रतिष्ठानका कुलपति नारदमणि हार्तम्छाली रहेका छन्। उनीहरू बुधबार बेलुकी कुलपतिमा नियुक्त भएका थिए।

सो अवसरमा प्रधानमन्त्री दाहालले तीनैजनालाई बधाई तथा सफल कार्यकालको शुभकामना दिएका थिए।