प्रयोगमा आएन पाल्हीनन्दनको आयुर्वेद औषधालय भवन

बर्दघाट सुस्तापश्चिम– पश्चिम नवलपरासीको पाल्हीनन्दन गाउँपालिका–४ मा ४० लाख रुपैयाँ लागतमा निर्माण गरिएको पाल्ही आयुर्वेद औषधालय भवन उपयोगविहीन भएको छ।

पाल्हीनन्दन गाउँपालिकाले निर्माण गरेको पाल्ही आयुर्वेद औषधालय भवन निर्माण सम्पन्न भएको दुई वर्ष पुगेको छ। नयाँ भवन सञ्चालनमा नआउँदा नेपाल गण्डक नहरको भवनमा बस्नुपर्ने बाध्यता रहेको आयुर्वेद औषधालय शाखाका रामएकवाल यादवले बताए। 

उनका अनुसार भवनको काम सम्पन्न भए पनि प्राविधिक काम नभएकाले नयाँ भवनबाट बिरामीलाई सेवा दिन नमिल्ने भएको छ। औषधालय सञ्चालनमा ल्याउने प्रक्रिया अगाडि बढाइएको पाल्हीनन्दन गाउँपालिकाका अध्यक्ष बैजुप्रसाद गुप्ताले बताए।