काभ्रेमा बस दुर्घटना हुँदा १३ जनाको मृत्यु

काभ्रेपलान्चोक– काभ्रेपलान्चोकको बेथानचोकमा बस दुर्घटना हुँदा १३ जनाको मृत्यु भएको छ। बेथानचोक–४ चलाल गणेशस्थानमा बा ३ ख ४३८५ बस दुर्घटना भएको प्रहरीले जनाएको छ।

जिल्ला प्रहरी कार्यालय काभ्रेका प्रहरी उपरीक्षक चक्रराज जोशीले दुर्घटनामा १३ जनाको मृत्यु भएको बताए। २० जना घाइतेको उद्धार गरी धुलिखेल अस्पताल र बनेपास्थित शिर मेमोरियल अस्पताल पठाइएको उनले बताए।

बनेपा नगरपालिका-११ बाट ब्रतबन्धका लागि बेथानचोक-५ स्थित च्याल्टी पुगेर फर्किँदै गरेको रिजर्भ बस दुर्घटना भएको हो। मृतकको सनाखत गर्ने कार्य भइरहेको प्रहरीले जनाएको छ।