सोलुखुम्बुमा मतदान अधिकृत सुतेकै ठाउँमा मृत भेटिए

कठमाडौँ– सोलुखुम्बुको नेचासल्यान– ४ फुर्के सामुदायिक बन मतदान केन्द्रमा खटिएका मतदान अधिकृत मृत भेटिएका छन्। 

आयुर्वेद स्वास्थ्य केन्द्र नेचाका कर्मचारीसमेत रहेका ५६ वर्षीय बिल्टु राय सुतेकै ठाउमा मृत भेटिएको जिल्ला प्रहरी कार्यालय सोलुखुम्बुले जनाएको छ । उनी शनिबार बिहान ४ बजे ओछ्यानमै मृत भेटिएको डिएसपी सुनिल जङ्ग शाहले बताए ।

सर्लाही हरिपुर्वा– ५ घर भएका रायले मधुमेह र मुटु रोगको औषधी प्रयोग गर्दै आएको खुलेको प्रहरीले जनाएको छ।