तिहारलाई फूल टिप्न व्यस्त भक्तपुर गुन्डुका किसान [तस्वीरहरू]

काठमाडौँ– तिहारको आगमनसँगै भक्तपुरको सूर्यविनायक नगरपालिका–७ गुन्डुका किसान मखमली फूल टिप्न र माला गाँस्न व्यस्त छन्।

मखमली फूलका लागि भक्तपुरको ताथली र गुन्डु प्रसिद्ध छन्। अधिकांशका बारीमा मखमली ढकमक्क फुलेका छन्।

यहाँ कतिपयले सयपत्री फूलको पनि खेती गरेका छन्। मखमली फूलको माला बनाएर बेच्ने गरिएको भए पनि सयपत्री फूल मालाका साथै गुच्छा र खुला रूपमा पनि बेच्ने गरिन्छ।

केही वर्षदेखि यस भेगका कृषकको मुख्य आयस्रोत मखमली फूल खेती बनेको छ।