नेपाल र स्कटल्यान्ड भिड्दै

काठमाडौँ– आईसीसी विश्वकप लिग २ अन्तर्गत त्रिदेशीय सिरिजमा नेपालले स्कटल्यान्डसँग खेल्दैछ।

खेल नामिबियाको विन्डहोकस्थित युनाइटेड क्रिकेट क्लब मैदानमा दिउँसो १ः४५ मा शुरू हुनेछ। सिरिजमा नेपाल अहिलेसम्म जितविहीन छ।

यसअघि नेपाल र नामिबियाबीच भएको पहिलो खेल वर्षाका कारण नतिजाविहीन भएको थियो। अर्को खेलमा स्कटल्यान्डसँग ३ विकेटले पराजित भएको थियो। ७ टोली सहभागी लिग २ मा नेपाल २३ खेलमा १८ अंकसहित छैठौँ स्थानमा छ।

नामिबिया भने ३० खेलमा ३७ अंकका साथ तेस्रो स्थानमा छ।