कस्तो छ आजको मौसम?

काठमाडौँ– पश्चिमी वायुको प्रभावले प्रदेश १, गण्डकी, कर्णाली र सुदूरपश्चिमका पहाडी भागमा आंशिक बदली रहेको छ।

तराईका अधिकांश स्थानमा हुस्सु र कुहिरो लागेको छ। बाँकी स्थानको मौसम सामान्यतया सफा रहेकाे मौसम पूर्वानुमान महाशाखाले जनाएको छ। दिउँसो प्रदेश १, गण्डकी, कर्णाली र सुदूरपश्चिमका उच्च पहाडी तथा हिमाली भागमा हल्का हिमपातको सम्भावना छ।

राति प्रदेश १, गण्डकी, कर्णाली र सुदूरपश्चिमका पहाडी भागमा आंशिकदेखि सामान्य बदली हुने महाशाखाले जनाएको छ। हिमाली र तराईका केही स्थानमा हिमपात र हुस्सुका कारण दैनिक जनजीवन, सडक तथा हवाई यातायातमा प्रभाव पर्ने भएकाले आवश्यक सतर्कता अपनाउन महाशाखाले अनुरोध गरेको छ।