बाजुराको बुढीनन्दा–५ मा मतदान जारी

काठमाडौँ– बाजुराको बुढीनन्दा नगरपालिका–५ मा मतदान जारी छ।

मंसिर ४ मा रोकिएको मतदान शनिबार भइरहेको प्रमुख जिल्ला अधिकारी प्रकाशचन्द्र अधिकारीले जानकारी दिए। “वडा नम्बर ५ स्थित नन्देश्वर मावि मतदान केन्द्रमा रोकिएको मतदान आज भइरहेको छ,”उनले उकालोसँग भने। 

शान्तिपूर्ण मतदानका लागि सुरक्षा व्यवस्था कडा पारिएको अधिकारीले बताए। मंसीर ४ मा मतदानका क्रममा झडप भएपछि मतदान स्थगित भएको थियो।

सो क्रममा प्रहरीको गोली लागेर एक युवकको मृत्यु भएको थियो। नेपाली कांग्रेस कार्यकर्ताको कुटपिटबाट एक एमाले कार्यकर्ताको पनि मृत्यु भएको थियो।