सन् २०२२ मा घाटामा रहेका श्रीलंकाका ५२ सरकारी लगानीका व्यवसाय नाफामा

एक वर्षअघिसम्म आर्थिक संकटमा रहेको श्रीलंका पछिल्लो समय उकासिँदै छ।

घाटामा रहेका ५२ वटा राज्य स्वामित्वका उद्यम (एसओई) सन् २०२३ मा नाफा गर्न सक्षम भएका श्रीलंकाका अर्थमन्त्री सेहान सेमासिंघेले बताएका छन्।

एसओईले सन् २०२२ मा लगभग ७४३ अर्ब रूपैयाँ (२.४ अर्ब अमेरिकी डलर) घाटाका कारण गुमाएको थियो। विगतमा सबैभन्दा बढी नोक्सानमा रहेका सिलोन पेट्रोलियम कर्पोरेसन र सिलोन इलेक्ट्रिसिटी बोर्डले अब लागत–प्रतिबिम्बित मूल्य निर्धारण संयन्त्र र वर्तमान आर्थिक सुधारका कारण लाभदायक अवस्थामा रहेका छन्।

अर्थमन्त्री सेमासिंघेका अनुसार अघिल्लो सरकारहरूले जनतालाई राहत प्रदान गर्न अनुदानमा सेवाहरू प्रदान गर्दा श्रीलंकाले दीर्घकालीन रूपमा गम्भीर आर्थिक संकटको सामना गर्नुपरेको थियो। अहिले सरकारले आवश्यक सेवाहरूका लागि अनुदान मूल्य प्रणाली उपलब्ध गराउनुको सट्टा गरिब लक्षित कल्याण प्रदान गर्नमा ध्यान केन्द्रित गरिरहेको सेमासिंघेले बताए।