सर्वोच्चको न्यायाधीशमा प्रस्तावित ६ जनाको नाम अनुमोदन

काठमाडौँ– संसदीय सुनुवाइ समितिले सर्वोच्च अदालतको न्यायाधीशमा प्रस्तावित ६ जनाको नाम सर्वसम्मतले अनुमोदन गरेको छ।

बुधबार बसेको समितिको बैठकले न्यायाधीशहरू सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिलकुमार पोखरेल र बालकृष्ण ढकालकोको नाम अनुमोदन गरेको हो। 

यस विषयमा मंसिर २९ तथा पुस १ र २ गते संसदीय सुनुवाइ भएको थियो।  न्याय परिषद्को मंसिर ५ गते बसेको बैठकले रिक्त ६ न्यायाधीशका लागि नाम सिफारिस गरेको थियो। 

अब उनीहरूले राष्ट्रपतिबाट शपथ ग्रहण गरेपछि सर्वोच्च अदालतको न्यायाधीशका रूपमा कामकाज शुरू गर्नेछन्।