टेलिकमको सन्देश, फेसबुकको विज्ञापन र फेक प्रोफाइलहरूको जालोले आगामी आन्दोलनहरू सडकमा मात्र सीमित नहुने देखाएको छ। एसएमएस र एल्गोरिदमबाट पनि उक्साहट भएको उदाहरण हो भदौ २४ गतेको विध्वंश।

सामाजिक सञ्जालमा हल्ला चल्यो– शवको मासुसमेत बेचिन्छ रे। टेलिभिजनमा समेत यस्तै समाचार बजे। तर प्रहरी अनुसन्धानले प्रष्ट पारेको छ– मासु बिक्री भएको छैन, त्यहाँ खरानी र हड्डी किनबेच भएको थियो।

घटनाको शुरूआती दिनमा प्रहरीले गरेको लापरबाही, पीडितलाई विश्वासमा नलिई गरिएको अनुसन्धान, घटनाको चरम राजनीतिकरण र सम्बद्ध पक्षको व्यक्तिगत इगोका कारण यो विषय यति गिजोलियो कि फर्कने ठाउँसम्म भएन।