Tuesday, April 23, 2024

-->
पर्व
लघुवित्तविरुद्ध पैदलयात्रा गर्दै काठमाडौँमा

काठमाडौँ– लघुवित्त तथा वित्तीय शोषणविरुद्ध संघर्षमा उत्रिएका करिब ३ हजार पीडितहरू काठमाडौँमा आइपुगेका छन्। अन्य पीडित आउने क्रम जारी रहेको लघुवित्त तथा वित्तीय शोषण विरुद्धको संघर्ष समिति नेपालका केन्द्रीय अध्यक्ष मनीराम ज्ञवालीले जानकारी दिए।  एक हजारभन्दा बढी पीडितहरू  करिब ६ दिन लगाएर लघुवित्त तथा वित्तीय शोषणविरुद्ध पैदल यात्रा तथा विरोध प्रदर्शन मुग्लिङबाट काठमाडौँ आइपुगेका हुन्। सरकारले समिति बनाएर केही काम नगरेकोमा पुनः सरकारलाई झकझकाउन आन्दोलन गर्न आएको बर्दियाका पीडित जीवन सुनारले बताए। मुग्लिङबाट हिँडेका उनीहरू ६ दिनमा शनिबार साँझ थानकोटस्थित त्रिभुवन पार्कमा आएर बसेका थिए। आइतबार उनीहरू थानकोटबाट र्‍याली प्रदर्शन गर्दै कलंकी हुँदै तीनकुने गएर बस्ने र सोमबारदेखि शान्तिपूर्ण आन्दोलन शुरू गर्न केन्द्रीय अध्यक्ष ज्ञवालीले जानकारी दिए। उनीहरूले नवसामन्तीको रूपमा स्थापित लघुवित्त तथा वित्तीय संस्थाहरू खारेज गर्न, लघु वित्तीय संस्थाहरूद्वारा लगाइएको सामूहिक ऋण मिनाहा गर्न, समाजवादी अर्थतन्त्रको विकास गर्न, भूमिहीन तथा वित्तीय शोषणका पीडितहरूलाई मुआब्जाको व्यवस्था गर्न, आवश्यकता र क्षमतामा आधारित काम र दामको व्यवस्था गर्न, कालोसूची तथा धितो लिलाम फुकुवा गर्नुपर्ने माग अघि सारेका छन्। तस्वीर– फोटो लाइब्रेरी

प्रकाशित मिति:  


Topics