दोलखामा मोटरसाइकल दुर्घटना हुँदा एक जनाको मृत्यु, अर्का एक घाइते

दोलखा– दोलखामा मोटरसाइकल दुर्घटना हुँदा एक युवकको मृत्यु भएको छ। तामाकोशी–मन्थली सडकअन्तर्गत बैतेश्वर गाउँपालिका–६ स्थित तामाकोशी नदीनजिकै आइतबार मोटरसाइकल दुर्घटना भएको हो।

दुर्घटनामा गम्भीर घाइते भएका बैतेश्वर गाउँपालिका–१ गैरीमुदीका ३० वर्षीय अंकीतराज उप्रेतीको उपचारका क्रममा मृत्यु भएको छ। उप्रेतीको चरिकोटस्थित पशुपति चौलागाईं स्मृति अस्पतालमा उपचारका क्रममा मृत्यु भएको प्रहरीले जनाएको छ।

दुर्घटनामा मेलुङ गाउँपालिका–१ पवटीका  ३० वर्षीय दोर्जे लामा घाइते भएका छन्। उनको अवस्था खतरामुक्त रहेको जिल्ला प्रहरी कार्यालयका प्रहरी प्रमुख प्रहरी नायब उपरीक्षक ज्ञानकुमार महत्तोले जानकारी दिए।