लुम्बिनी लायन्सले पोखरा एभेञ्जर्सलाई तीन विकेटले पराजित गर्दै प्लेअफमा पुग्ने सम्भावनालाई जीवितै राखेको छ।
काठमाडौँ– नेपाल प्रिमियर लिग (एनपीएल)को शनिबारको पहिलो खेलमा लुम्बिनी लायन्सले पोखरा एभेञ्जर्सलाई तीन विकेटले पराजित गर्दै प्लेअफमा पुग्ने सम्भावनालाई जीवितै राखेको छ।
पहिलो चार खेलमध्ये तीनमा हार बेहोरेको लुम्बिनी शनिबारको आफ्नो पाँचौँ खेलमा जित्नैपर्ने दबाबमा थियो। यो जितसँगै लुम्बिनी तालिकामा पाँच खेलबाट चार अंकसहित पाँचौँ स्थानमा उक्लिएको छ।
लुम्बिनीसँग हार बेहोरे पनि पोखराको प्लेअफमा पुग्ने सम्भावना भने जीवितै छ। पोखराले हालसम्म चार खेलमध्ये एकमा जित निकालेको छ। अहिले पोखरासँग दुई अंक मात्रै छ।
लुम्बिनीले पोखराले दिएको १५१ रनको लक्ष्य १९.४ ओभरमा ७ विकेटको क्षतिमा पूरा गर्यो। लुम्बिनीका लागि कप्तान रोहित पौडेलले ४० रन बनाए भने निरोशन दिकवेल्लाले ३७ रन बनाए। साथै सन्दीप जोराले २५ रनको योगदान दिए।
पोखरा एभेञ्जर्सका लागि विपिन खत्री, खत्री मार्क टेलर र सागर ढकालले २/२ विकेट लिए भने जिमी निशमले एक विकेट हात पारे।
त्यसअघि टस हारेर पहिले ब्याटिङ गरेको पोखराले निर्धारित २० ओभरमा ५ विकेट गुमाउँदै १५० रन बनाएको थियो। पोखराले पारीको शुरूआत राम्रो गरेन। उसले १५ रन बनाउँदा दिनेश खरेललाई पहिलो विकेटका रूपमा र दोस्रो विकेटका रूपमा कप्तान कुशल भुर्तेललाई गुमायो।
त्यसपछि आएका सुमित बर्मा खाता खोल्न सकेनन् भने तीर्थराज दासले पनि जम्मा एक रन बनाए। तर सातौँ ब्याटरका रूपमा आएका जिमी निशम र ओपनर एडम रोसिङटनको जोडीले पाँचौँ विकेटका लागि ९२ रनको महत्त्वपूर्ण साझेदारी गर्यो।
रोसिङटनले ६३ बलमा पाँच छक्का र सात चौकाको सहयोगमा ८१ रन बनाए भने निशमले ५१ रन बनाए। अर्धशतक बनाउने क्रममा निशमले ३ छक्का र ३ चौका प्रहार गरे।
लुम्बिनीका लागि शेर मल्ल र तिलक भण्डारीले २/२ विकेट लिए भने गुलबदिन नाइबले १ विकेट हात पारे।
शनिबारको दोस्रो खेलमा सुदूरपश्चिम रोयल्स र जनकपुर बोल्ट्सबीच हुँदै छ।
Unlock Premium News Article
This is a Premium Article, available exclusively to our subscribers. Read such articles every month by subscribing today!
Basic(Free) |
Regular(Free) |
Premium
|
|
|---|---|---|---|
| Read News and Articles | |||
| Set Alert / Notification | |||
| Bookmark and Save Articles | |||
| Weekly Newsletter | |||
| View Premium Content | |||
| Ukaalo Souvenir | |||
| Personalize Newsletter | |||
