देशभर कमजोर हुँदै मनसुनी वायुको प्रभाव

काठमाडौँ– मनसुनी वायुको प्रभाव क्रमशः कमजोर हुँदै गएको छ। सुदूरपश्चिम, कर्णाली र लुम्बिनीका पश्चिमी भूभागको धेरै तथा गण्डकीको पश्चिमी भूभागमा पश्चिमी वायुको प्रभाव भने रहेको मौसम पूर्वानुमान महाशाखाले जनाएको छ। 

गण्डकी , लुम्बिनी , कर्णाली र सुदूरपश्चिमका पहाडी भूभागमा साधारणतया बदली रही बाँकी तराई भूभागमा आंशिक बदली रहने छ। गण्डकी, लुम्बिनी, कर्णाली र सुदूरपश्चिमका पहाडी र तराई भूभागमा मेघगर्जन र चट्याङसहित मध्यम वर्षाको सम्भावना छ।

महाशाखाका अनुसार राती कोशी, लुम्बिनी, कर्णाली र सुदूरपश्चिमका पहाडी भूभागमा साधारणतया बदली रहनेछ। बाँकी तराई भूभागमा आंशिक बदली रहनेछ। लुम्बिनी, कर्णाली, सुदूरपश्चिम र कोशी प्रदेशका पहाडी भूभागमा मेघगर्जन र चट्याङसहित मध्यम वर्षा हुने महाशाखाले जनाएको छ।