देशका विभिन्न स्थानमा मध्यम वर्षाको सम्भावना

काठमाडौँ– मनसुनको न्यूनचापीय रेखा पश्चिममा सरदर स्थानभन्दा दक्षिण तथा पूर्वमा सरदर स्थान आसपास अवस्थित रहेको छ। 

दिउँसो कोशी, मधेश, बागमती र गण्डकीसहित बाँकी पहाडी भूभागमा साधारणतया बदली रहनेछ। बाँकी तराई भूभागमा आंशिक बदली रहने मौसम पूर्वानुमान महाशाखाले जनाएको छ। कोशी, बागमती, मधेश र गण्डकीका थोरै स्थानमा मध्यम वर्षाको सम्भावना छ।

राति कोशी, मधेश, बागमती र गण्डकीमा साधारणतया बदली रही बाँकी भूभागमा आंशिक बदली रहने महाशाखाले जनाएको छ। कोशी, मधेश, बागमती र गण्डकीका थोरै तथा बाँकी पहाडी भूभागका एक–दुई स्थानमा मध्यम वर्षाको सम्भावना छ।