कोशी, बागमती, कर्णाली र लुम्बिनीमा भारी वर्षाको सम्भावना

काठमाडौँ– देशभर साधारणतया बदली रहनेछ। मनसुनको न्यूनचापीय रेखा सरदर स्थान आसपास अवस्थित छ। अरब सागर तथा बंगालको खाँडीबाट जलवाष्पयुक्त हावाको समेत प्रभाव रहेको छ।

दिउँसो बागमती र लुम्बिनीसहित पहाडी भूभागका केही तथा बाँकी भूभागका थोरै स्थानमा मध्यम वर्षा हुने मौसम पूर्वानुमान महाशाखाले जनाएको छ। कोशी, बागमती र कर्णालीका पहाडी र लुम्बिनीका एक-दुई स्थानमा भारी वर्षाको सम्भावना छ।

राति, कोशी, मधेश, बागमती र गण्डकीसहित देशका पहाडी भूभागमा साधारणतया बदली रहनेछ। मधेश, कोशी, बागमती र गण्डकीका केही स्थानमा मध्यम वर्षाको सम्भावना छ।

मधेश, कोशी र बागमतीका एक-दुई स्थानमा भारी वर्षाको सम्भावना रहेको छ।