देशका केही स्थानमा मध्यम वर्षाको सम्भावना

काठमाडौँ– मनसुनको न्यूनचापीय रेखा सरदर स्थानभन्दा दक्षिणतिर अवस्थित छ।

मौसम पूर्वानुमान महाशाखाका अनुसार दिउँसो देशभर साधारणतया बदली रहनेछ। कोशी, बागमती र गण्डकीसहित पहाडी भूभागका केही र बाँकी प्रदेशका तराई भूभागमा मध्यम वर्षाको सम्भावना छ।

राति कोशीसहित देशका पहाडी भूभागमा साधारणतया तथा बाँकी भूभागमा आंशिक बदली रहने महाशाखाले जनाएको छ। पहाडी भूभागका केही र तराई भूभागका थोरै स्थानमा मध्यम वर्षाको सम्भावना छ।