कर्णाली र सुदूरपश्चिममा भारी वर्षाको सम्भावना

काठमाडौँ– देशभर साधारणतया बदली रहनेछ। मनसुनको न्यूनचापीय रेखा सरदर स्थान आसपास रहेको छ। साथै, बंगालको खाडीबाट आएको जलवाष्पयुक्त हावाको प्रभाव रहेको छ।

कर्णाली र सुदूरपश्चिमका पहाडी र तराई भूभागका धेरै तथा बाँकी प्रदेशका पहाडी भूभागका केही स्थान मध्यम वर्षाको सम्भावना रहेको छ। 

कर्णाली र सुदूरपश्चिमका पहाडी र तराई भूभागका एक–दुई स्थानमा भारी वर्षाको सम्भावना रहेको छ। लुम्बिनी र सुदूरपश्चिमको तराई भूभागमा हावाहुरीको पनि सम्भावना रहेको छ।

राति, देशभर साधारणतया बदली रहनेछ। बागमती, गण्डकी र सुदूरपश्चिमका केही तथा देशका बाँकी पहाडी र तराई भूभागमा मध्यम वर्षाको सम्भावना छ। लुम्बिनी र सुदूरपश्चिमका तराई भूभागमा भारी वर्षाको सम्भावना छ।