काठमाडौँ- एएफसी यू–२० महिला एसिया कप छनोटको दोस्रो चरणमा नेपालले चीन, म्यानमार र चाइनिज ताइपेसँग खेलेको भएको छ।
एसियाली फुटबल महासंघ (एएफसी)ले बिहीबार दोस्रो चरणको खेल तालिका सार्वजनिक गरेको हो। नेपालसहित चीन, म्यानमार र चाइनिज ताइपे समूह 'बी'मा रहेका छन्।
समूह 'ए' मा भने अस्ट्रेलिया, भियतनाम, इरान र लेवनान रहेका छन्। गत फागुन २८ गते प्यालेस्टाइनमा सम्पन्न पहिलो चरणको खेलमा नेपालले शतप्रतिशत जित हात पारेको थियो।
समूह 'बी'मा रहेको नेपालले आयोजक प्यालेस्टाइन र नर्दन मारियाना आइल्यान्डलाई समान ६–० ले पराजित गरेको थियो। दोस्रो चरणमा ८ टोलीलाई दुई समूहमा विभाजन गरिएको हो।
जसबाट शीर्ष दुईमा रहने २/२ टोलीले उज्वेकिस्तानमा हुने यू–२० महिला एसियन कप खेल्नेछन्। उज्वेकिस्तानमा हुने यू–२० महिला एसियन कप २०२४ को मार्च ३ देखि १६ सम्म हुनेछ।