काठमाडौँ- धुनुषामा ६ जना अभियुक्त प्रहरी हिरासतबाट फरार भएका छन्।
आइतबार राति जिल्लाको इलाका प्रहरी कार्यालय सखुवा महेन्द्रनगरबाट ६ जना अभियुक्त फरार भएका हुन्।
उनीहरू राति ३ बजेको समयमा हिरासत तोडेर फरार इप्रका सखुवाका प्रहरी निरीक्षक बेचन यादवले जानकारी दिए।
इलाका प्रहरी कार्यालयको हिरासतमा रहेका अभियुक्तमध्ये २ जनालाई हातहतियार, २ जनालाई लागुऔषध र २ अभ्रद व्यवहारको अभियोग छ।
हिरासत कक्षतर्फको भित्ता निकै कमजोर भएका कारण फोडेर अभियुक्तहरू भाग्न सफल भएको यादवले बताए।
फरार हुनेहरूमा रोशन महतो र शंकर सिंह हातहतियार, विनोदकुमार शर्मा र अमित मण्डल लागूऔषध र रोशन यादव र हरिदीप सिंह अभद्र व्यवहारका अभियुक्त हुन्।
फरार अभियुक्तहरूको खोजी भइरहेको प्रहरीले जनाएको छ।