काठमाडौँ– राष्ट्रिय स्वतन्त्र पार्टी (रास्वपा)ले सरकारमा सहभागी हुने मन्त्रीहरूको नाम टुंगो लगाएको छ।
मंगलबार बिहान बसेको संसदीय दलको बैठकमा सभापति रवि लामिछानेले शिशिर खनाललाई शिक्षामन्त्री र डोलप्रसाद अर्याललाई श्रममन्त्री बनाउने निर्णय सुनाएका केन्द्रीय सदस्य दीपक बोहोराले उकालोलाई जानकारी दिए।
यस्तै, बोहोराका अनुसार तोसिमा कार्कीलाई स्वास्थ्य तथा जनसंख्या राज्यमन्त्री बनाउने निर्णय भएको छ।
खनाल काठमाडौं-६ र कार्की ललितपुर-३ बाट निर्वाचित भएका सांसद हुन्। अर्याल भने समानुपातिक सांसद हुन्।
रास्वपाको सोमबार बसेको संसदीय दलको बैठकले मन्त्री छनोट गर्ने जिम्मा सभापति छामिछानेलाई दिइएको थियो।