मकवानपुर– मकवानपुरको भीमफेदी गाउँपालिका-१ स्थित टौवास खोलाले बगाउँदा एक जनाको मृत्यु भएको छ।
खोलामा नुहाउने क्रममा शनिबार दिउँसो पर्साको वीरगन्ज महानगरपालिका-५ निवासी ५० वर्षीय पुरुषोत्तम शर्माको मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए।
वीरगन्जबाट साथीहरूसँग वनभोज खान आएका शर्माको खोलामा नुहाउने क्रममा अचानक पानीको बहाव बढ्दा बगेर मृत्यु भएको जानकारी आएको अर्यालले बताए।