Saturday, February 15, 2025

-->

तोलाको १ लाख ६० हजार रुपैयाँ पुग्यो सुन

पछिल्ला दुई दिनमा छापावाल सुनको मूल्य प्रतितोला ३ हजार रुपैयाँले बढेको छ।

तोलाको १ लाख ६० हजार रुपैयाँ पुग्यो सुन

काठमाडौँ– नेपाली बजारमा बुधबार पनि सुनचाँदीको मूल्य बढेको छ। 

मंगलबार तोलामा १ हजार १०० रुपैयाँ बढेको सुन बुधबार तोलामा १ हजार ९०० रुपैयाँले बढेको छ। 

बुधबार छापावाल सुन तोलाको १ लाख ६० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ। मंगलबार तोलाको १ लाख ५८ हजार १०० तथा सोमबार १ लाख ५७ हजार रुपैयाँ थियो। 

यसैगरी, चाँदीको मूल्य पनि बढेको छ। अघिल्लो दिन तोलाको १ हजार ८७५ रुपैयाँ रहेको चाँदी यस दिन १ हजार ८९५ रुपैयाँमा कारोबार भइरहेको छ। सोमबार तोलाको १ हजार ८६० रुपैयाँ थियो।


सम्बन्धित सामग्री