काठमाडौँ– कप्तान रोहितकुमार पौडेल र साद विन जफरको अर्धशतकमा नेपाल प्रिमियर लिगमा लुम्बिनी लायन्सले चितवन राइनोजलाई १६८ रनको लक्ष्य दिएको छ।
त्रिवि क्रिकेट मैदानमा टस हारेर पहिले ब्याटिङमा उत्रिएको लुम्बिनीले निर्धारित २० ओभरमा ६ विकेट गुमाउँदै १६७ रन बनाएको हो। लुम्बिनी लायन्सका लागि रोहितले ५७ बलमा ५ छक्का र ६ चौकाको मद्दतमा ८९ रन बनाए। जफरले ३५ बलमा १ छक्का र ४ चौकाको मद्दतमा ५२ रनको योगदान दिए।
चितवनका रिजन ढकालले ३ तथा कुशल मल्ल र रञ्जित कुमारले समान १–१ विकेट लिए।