धरान– वराहक्षेत्र नगरपालिका– ३ नडाहास्थित एक घरस्थित जुवाको खालबाट १५ जना पक्राउ परेका छन्।
जुवा खेलाइरहेको सूचना प्राप्त भएपछि धरानबाट परिचालन भएको प्रहरीको टोलीले ९ लाख ६८ हजार रुपैयाँसहित १५ जनालाई पक्राउ गरेको हो।
जिल्ला प्रहरी कार्यालयका प्रमुख सुमनकुमार तिमिल्सिनाका अनुसार जुवाको खालबाट १२ थान मोबाइल पनि बरामद गरिएको छ। अभियुक्तलाई इलाका प्रहरी कार्यालयमा राखेर अनुसन्धान थालिएको छ।
उनीहरूबाट केही सार्वजनिक (अपराध र सजाय) ऐन, २०२७ को बर्खिलाप कसुर भएकाले सोही ऐनअनुसार कारबाही प्रक्रिया अघि बढाइने छ।