Wednesday, July 24, 2024

-->

पहिरोले मध्यपहाडी लोकमार्गको खुर्कोट–घुर्मीखण्ड अवरुद्ध

सडक अवरुद्ध भएको स्थानमा स्थानीय सरकारका प्रतिनिधि र सुरक्षाकर्मी पुगेका छन्। अवरुद्ध सडक खुलाउने प्रयास जारी छ।

पहिरोले मध्यपहाडी लोकमार्गको खुर्कोट–घुर्मीखण्ड अवरुद्ध

कमलामाई– मध्यपहाडी लोकमार्गअन्तर्गत खुर्कोट–घुर्मीखण्ड अवरुद्ध भएको छ। 

पहिरोले गोलञ्जोर गाउँपालिका–६ हैबारबेँसी नजिकको अक्करेभिर, गोलञ्जोर–१ कुडुले, फिक्कल गाउँपालिका–२ सुम्नामबेँसीलगायत क्षेत्रमा सडक अवरुद्ध भएको हो। 

जिल्ला प्रहरी कार्यालयका प्रमुख एसपी गोविन्दराज काफ्लेका अनुसार खुर्कोटबाट पूर्वतर्फको सडकखण्ड अवरुद्ध हुँदा दर्जनौँ सवारीसाधन तथा यात्री अलपत्र परेका छन्। त्यस्तै गोलञ्जोर–१ कुडुलेमा प्र२–०३–००१ख ७१४४ नम्बरको टेलर पहिरोले पुरिएको छ। 

सडक अवरुद्ध भएको स्थानमा स्थानीय सरकारका प्रतिनिधि र सुरक्षाकर्मी पुगेका छन्। अवरुद्ध सडक खुलाउने प्रयास जारी छ। 


सम्बन्धित सामग्री