Monday, June 17, 2024

-->

विकल पौडेललाई थुनामा पठाउन अदालतको आदेश

विशेष अदालतले केही दिनअघि सुरक्षण मुद्रण केन्द्रको भ्रष्टाचार र झुटो विवरण बुझाएर लाभ लिएको छुट्टाछुट्टै दुई भ्रष्टाचार मुद्दामा उनलाई दोषी ठहर गरेको थियो।

विकल पौडेललाई थुनामा पठाउन अदालतको आदेश

काठमाडौँ– विशेष अदालतले सम्पत्ति शुद्धीकरण मुद्दामा सुरक्षण मुद्रण केन्द्रका पूर्वकार्यकारी निर्देशक विकल पौडेललाई थुनामा पठाउने आदेश गरेको छ।

विशेष अदालतका न्यायाधीश खुसीप्रसाद थारू, तेजनारायणसिंह राई र मुरारीबाबु श्रेष्ठको आजको इजलासले पौडेल थुनामा पठाउने आदेश गरेको हो। अख्तियार दुरुपयोग अनुसन्धान आयोगले गैरकानूनी सम्पत्ति आर्जन गरेको अभियोगमा गत जेठ ९ गते पौडेलविरुद्ध विशेष अदालतमा भ्रष्टाचार मुद्दा दायर गरेको थियो।

भ्रष्टाचारका मुद्दामा उनी गत माघ १० गते पक्राउ परेदेखि अख्तियार दुरुपयोग अनुसन्धान आयोगको हिरासतमा थिए। 

पौडेल भ्रष्टाचार मुद्दामा यसअघि पनि दोषी ठहर भएका थिए। विशेष अदालतले केही दिनअघि सुरक्षण मुद्रण केन्द्रको भ्रष्टाचार र झुटो विवरण बुझाएर लाभ लिएको छुट्टाछुट्टै दुई भ्रष्टाचार मुद्दामा उनलाई दोषी ठहर गरेको थियो। अझै पनि उनीविरुद्ध विशेष अदालतमा दुई भ्रष्टाचारका मुद्दा विचाराधीन छन्।

यो पनि:
सुरक्षण मुद्रणको उपकरण खरिदमा भ्रष्टाचार, विकल पौडेलसहित ६ जनाविरुद्ध मुद्दा

विकल पौडेल अमेरिकाको पीआर लिएको मुद्दामा पनि दोषी ठहर


सम्बन्धित सामग्री