Monday, June 17, 2024

-->

रारा जाँदै गरेको जिप दुर्घटना हुँदा १२ जना घाइते

बाजुराबाट रारातर्फ जाँदै गरेको जिप दुर्घटना हुँदा चालकसहित १२ जना घाइते भएका छन्।

रारा जाँदै गरेको जिप दुर्घटना हुँदा १२ जना घाइते

मुगु– बाजुराबाट रारातर्फ जाँदै गरेको जिप दुर्घटना हुँदा १२ जना घाइते भएका छन्।

बिहीबार बाजुराको हिमाली गाउँपालिका–५ कोल्टीमा रहेको भवानी माध्यमिक विद्यालयका विद्यार्थीलाई रारा घुमाउन ल्याउँदै गरेको ग१ज ८२४९ नम्बरको जिप मुगुको खत्याड गाउँपालिका वडा–२ जाम हिलटप भन्ने स्थानमा दुर्घटनामा परेको हो। दुर्घटनामा चालक, विद्यार्थी, शिक्षकसहित १२ जना घाइते भएका छन्।

प्रहरीका अनुसार घाइते हुनेहरूमा नौ जना विद्यार्थी, दुई जना शिक्षक र चालक छन्। घाइतेमध्ये चालकको अवस्था गम्भीर रहेको जिल्ला प्रहरी कार्यालय मुगुका प्रहरी नायब उपरीक्षक वीरेन्द्र थापाले जानकारी दिए। 

चालक तथा जिपका मालिक लालबहादुर भण्डारीको स्थानीय स्वास्थ्य चौकीमा उपचार भइरहेको उनको भनाइ छ। उनका अनुसार अरू सबै जनाको अवस्था सामान्य रहेको छ। जिप सडकबाट २५ मिटर तल खसेको थियो।


सम्बन्धित सामग्री