Monday, June 17, 2024

-->

कामीरिता शेर्पा ३०औँ पटक सगरमाथाको शिखरमा

सगरमाथा आधार शिविरस्थित पर्यटन विभागको अस्थायी कार्यालयका अनुसार कामीरिता बुधबार बिहान ७:४९ मा चुचुरोमा पुगेका हुन्।

कामीरिता शेर्पा ३०औँ पटक सगरमाथाको शिखरमा

काठमाडौँ– कामीरिता शेर्पाले ३० औँ पटक सगरमाथा आरोहण गरी नयाँ कीर्तिमान कायम गरेका छन्। 

सगरमाथा आधार शिविरस्थित पर्यटन विभागको अस्थायी कार्यालयका प्रमुख खिमलाल गौतमका अनुसार उनी बुधबार बिहान ७:४९ मा चुचुरोमा पुगेका हुन्। 

“कामीरिता शेर्पाले सगरमाथा शिखरमा ३०औँ पटक पाइला टेकेर नयाँ कीर्तिमान कायम गर्नुभएको छ,” सगरमाथा आधार शिविरबाट कार्यालय गौतमले भने। वसन्त ऋतुको जारी आरोहणमा उनले यसअघि धेरै पटक सगरमाथाको सफल आरोहण गरेर आफ्नै नाममा रहेको कीर्तिमान तोडेका हुन्। 

फिल्ड कार्यालय प्रमुख गौतमका अनुसार बुधबार बिहानसम्म आरोही र शेर्पा सहयोगी गरी ४६० भन्दा बढीले सगरमाथा आरोहण गरिसकेका छन्।

सोलुखुम्बुको खुम्बु पासाङ्ल्हामु गाउँपालिकाको थामेका ५४ वर्षीय कामीरिता कुशल पर्वतारोही पथप्रदर्शक हुन्। सन् १९९४ मे १३ मा पहिलो पटक सगरमाथाको चुचुरोमा पुगेका कामीरिताको नाममा आठ हजार मिटर अग्ला शिखरमा सबैभन्दा बढी आरोहण गरेको कीर्तिमान छ। 

सगरमाथा आरोहणका ७१ वर्षे इतिहासमा सर्वाधिक आरोहण गर्ने एक मात्र कीर्तिमानी आरोही कामीरिता शेर्पा हुन्। अघिल्लो वर्षको वसन्त ऋतुमा सोलुखुम्बुकै पासाङ दावा शेर्पाले २७ पटक सगरमाथा आरोहण गरेर कीर्तिमान कायम गरेका थिए। 

गत वैशाख २८ गतेदेखि यो वर्षको आरोहण शुरू भएको हो। ४१ आरोही समूहका ७५ महिला र ३३९ पुरुषसहित ४१४ जनाले आरोहण अनुमति लिएका छन्। अनुमति लिएकामध्ये ७५ प्रतिशतले सफल आरोहण गरेको जनाइएको छ।


सम्बन्धित सामग्री