Tuesday, May 21, 2024

-->

नक्कली शैक्षिक प्रमाणपत्र पेश गरेको आरोपमा बालविकास सहजकर्ताविरुद्ध मुद्दा

अख्तियारले पर्साको भिखमपुरस्थित नेपाल राष्ट्रिय माध्यमिक विद्यालयमा कार्यरत बालविकास सहजकर्ता पुनमदेवी कुर्मीविरुद्ध विशेष अदालतमा मुद्दा दायर भएको छ।

नक्कली शैक्षिक प्रमाणपत्र पेश गरेको आरोपमा बालविकास सहजकर्ताविरुद्ध मुद्दा

काठमाडौँ– पर्साको भिखमपुरस्थित नेपाल राष्ट्रिय माध्यमिक विद्यालयमा कार्यरत बालविकास सहजकर्ता पुनमदेवी कुर्मीविरुद्ध विशेष अदालतमा मुद्दा दायर भएको छ। अख्तियार दुरुपयोग अनुसन्धान आयोगले कुर्मीविरुद्ध शैक्षिक योग्यताको नक्कली प्रमाणपत्रसम्बन्धी आरोप-पत्र दायर गरेको हो।

बालविकास सहयोगी कार्यकर्ता कुर्मीको शैक्षिक योग्यताको प्रमाणपत्र छानबिन गर्न माग गर्दै उजुरी परेपछि आयोगले अनुसन्धान गरेको थियो। कुर्मीले ठाकुर महेश्वर प्र. सिंह संस्कृत प्रा. सह उच्च विद्यालय, भारतबाट जारी भएको माध्यमिक तहको परीक्षा उत्तीर्णको शैक्षिक प्रमाणपत्र पेस गरेर २०६६ असार १२ गते नियुक्ति लिइएकी थिइन्। अनुसन्धानका क्रममा ती कागजात नक्कली रहेको पुष्टि भएको आयोगले जनाएको छ।

कुर्मीले भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर गरेको पुष्टि भएकाले उनलाई सोही ऐनको दफा १६ को उपदफा (१) बमोजिम कैद र जरिबाना सजाय हुन मागदाबी लिई शुक्रबार विशेष अदालत, काठमाडौँमा आरोप-पत्र दायर गरिएको आयोगका प्रवक्ता नरहरि घिमिरेले जानकारी दिए।


सम्बन्धित सामग्री