Thursday, April 25, 2024

-->

नागार्जुन घटनाः ३ जनाको हत्या गरी आत्महत्या गरेको आशंका

३८ वर्षीया ईश्वरी श्रेष्ठ, निजकी आठ वर्षीया छोरी अनिशा श्रेष्ठ र साढे दुई वर्षकी नातिनी सिवानी श्रेष्ठको हत्या भएको प्रहरीले जनाएको छ।

नागार्जुन घटनाः ३ जनाको हत्या गरी आत्महत्या गरेको आशंका

काठमाडौँ– काठमाडौँको नागार्जुन नगरपालिका–६ भैरबटोलमा बुधबार एकै परिवारका तीन जनाको शव भेटिएको छ। 

सोलखुम्बुको दूधकुण्ड घर भई भैरबटोलमा बस्दै आएकी ३८ वर्षीया ईश्वरी श्रेष्ठ, निजकी आठ वर्षीया छोरी अनिशा श्रेष्ठ र साढे दुई वर्षकी नातिनी सिवानी श्रेष्ठको हत्या भएको जिल्ला प्रहरी परिसर काठमाडौँका प्रवक्ता तथा प्रहरी उपरीक्षक नवराज अधिकारीले जानकारी दिए। सो हत्यामा निज ईश्वरीका श्रीमानको संलग्नता रहेको हुनसक्ने प्रहरीको प्रारम्भिक अनुमान छ।

ईश्वरीका श्रीमान् राजु घिमिरे भनिने काजी विकको शव पनि घरभन्दा केही पर जंगलमा झुण्डिएको अवस्थामा फेला परेकाले उक्त हत्यामा निज काजी विककै हात रहेको अनुमान गरी प्रहरीले अनुसन्धान थालेको प्रहरी उपरीक्षक अधिकारीले बताए। उनले भने, “परिवारका सदस्यहरुको हत्या गरेपछि उनले आत्महत्या गरेको प्रारम्भिक अनुमान छ। यसै विषयमा केन्द्रित रही प्रहरीले अनुसन्धान थालिसकेको छ।”

घटना बिहीबार बिहानको हो। बिहान साढे नौ बजेपछि कोठाभित्र शव देखेपछि स्थानीयले प्रहरीलाई खबर गरेका थिए। त्यसको केही समयपछि विक पनि घरभन्दा केही परको जंगलमा झुण्डिएको अवस्थामा स्थानीयले देखेपछि प्रहरीलाई खबर गरेका थिए। प्रहरी घटनास्थलमा आउँदा उनको मृत्यु भइसकेको थियो।


सम्बन्धित सामग्री