Thursday, April 25, 2024

-->

एन्फा बैठकको निर्णयमा केन्द्रीय सदस्य अनिल मल्लको असन्तुष्टि

मल्लले बुधबार एन्फा अध्यक्ष पंकजविक्रम नेम्वाङलाई पत्र लेख्दै फागुन ३ देखि ६ गतेसम्म बसेको कार्यसमिति बैठकको निर्णय नम्बर ४ र ५ मा असन्तुष्टि जनाएका छन्।

एन्फा बैठकको निर्णयमा केन्द्रीय सदस्य अनिल मल्लको असन्तुष्टि

काठमाडौँ– अखिल नेपाल फुटबल संघ (एन्फा) का केन्द्रीय सदस्य अनिल मल्लले कार्यसमिति बैठकमा गरिएका निर्णयमा असन्तुष्टि जनाएका छन्।

मल्लले बुधबार एन्फा अध्यक्ष पंकजविक्रम नेम्वाङलाई पत्र लेख्दै फागुन ३ देखि ६ गतेसम्म बसेको कार्यसमिति बैठकको निर्णय नम्बर ४ र ५ मा असन्तुष्टि जनाएका हुन्।

बैठकको निर्णय नम्बर ४ मा संघको आर्थिक नियमावली र कार्यविधि कार्यसमितिको परिमार्जनको सुझावसहितको प्रस्ताव, नियमित साधारणसभामा निर्णयार्थ पेस गर्ने उल्लेख छ। यस्तै, निर्णय नम्बर ५ मा संघको २०७९/०८० को लेखा परीक्षण प्रतिवेदन पारित गरी नियमित साधारणसभामा निर्णायार्थ पेस गर्ने उल्लेख छ।

"आउँदो साधारणसभामा अनुमोदनका लागि बसेको संघको कार्यसमिति बैठकमा एजेन्डा नं. ४ मा परिमार्जनसहित संशोधन गरी पेस गर्ने भनी निर्णय भएको हुनाले, संशोधन गरिएको विषय कार्यसमितिमा प्रष्ट पारिनुपर्ने साथै एजेन्डा नं. ५ मा रहेको विषय २०७९/०८० को लेखा परीक्षण प्रतिवेदनका सम्बन्धमा, छलफलकै क्रममा रहेको तर निर्णय नभइसकेको अवस्थामा, उपरोक्त ४ र ५ नम्बर एजेन्डामा संवेदनशील भई कार्यसमितिको निर्णयपश्चात् मात्रै साधारण सदस्यमा जानकारी गराइयोस् भनी सादर अनुरोध गर्दछु," पत्रमा भनिएको छ।

यसैगरी मल्लले  निर्णय नै नभएको अजेन्डालाई निर्णय भएको भनिएको र अन्य अजेन्डमा छलफल नै नभएकोमा ध्यानाकर्षण गराएका छन्। "कार्यसमिति बैठकमा निर्णय नभएको ४, ५ अजेन्डालाई निर्णय भयो भनी प्रेस विज्ञप्ति प्रकाशित गरिएको र कार्यसमितिमा दर्ता भएका अन्य तमाम अजेन्डालाई पेन्डिङमा राखिएको विषयसमेतमा दुःख व्यक्त गर्दछु," पत्रमा भनिएको छ।


सम्बन्धित सामग्री