Friday, March 29, 2024

-->

‘क्यान्टनमेन्ट’ घोटालाकाण्डको फाइल खोलेर चोखो प्रमाणित गर्न प्रधानमन्त्रीलाई लिङ्देनको चुनौती

राप्रपा अध्यक्ष राजेन्द्र लिङ्देनले वाइडबडीकाण्ड, ललितानिवास, एनसेल र क्यान्टनमेन्ट घोटालाकाण्ड भ्रष्टाचारको पनि फाइल खोल्न प्रधानमन्त्रीलाई आग्रह गरेका छन्।

‘क्यान्टनमेन्ट’ घोटालाकाण्डको फाइल खोलेर चोखो प्रमाणित गर्न प्रधानमन्त्रीलाई लिङ्देनको चुनौती
फाइल तस्वीर

काठमाडौँ– राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले ठूला भ्रष्टाचारका फाइलहरू खोलेमा सरकारलाई आफ्नो पार्टीको समर्थन हुने बताएका छन्।

आइतबार राष्ट्रिय प्रजातान्त्रिक महिला संगठनको एकताको प्रथम महाधिवेशन उद्घाटन समारोहलाई सम्बोधन गर्दै अध्यक्ष लिङ्देनले ठूला भ्रष्टाचारका फाइलहरू खोलेमा प्रधानमन्त्री पुष्पकमल दाहाल ‘प्रचण्ड’ नेतृत्वको सरकारलाई राप्रपाको समर्थन रहने बताएका हुन्।

उनले सरकारले राजनीतिक स्वार्थ नराखी सुविचारका साथ नक्कली शरणार्थी प्रकरणका आरोपीहरूलाई पक्राउ गरेको भए आफ्नो पार्टीको समर्थन रहने उल्लेख गरे। उनले वाइडबडीकाण्ड, ललितानिवास, एनसेल र क्यान्टनमेन्ट घोटालाकाण्ड भ्रष्टाचारको पनि फाइल खोल्न प्रधानमन्त्रीलाई आग्रह गरे।

“क्यान्टनमेन्टको घोटालाकाण्ड उहाँकै शिरमाथि लागेको छ, त्यो के हो? फाइल खोलेर उहाँले त्यसलाई आफू चोखो छु भन्ने प्रमाणित गरिदिनुपर्‍यो,” उनले भने।

अध्यक्ष लिङ्देनले देश आर्थिक रूपमा टाट पल्टने अवस्थामा रहेको भए पनि सरकारले अर्थतन्त्र सुधार गर्ने कुनै कदम नचालेको बताए। उनले सरकार कुइरोमा हराएको कागजस्तो अवस्थामा रहेको उल्लेख गरे। उनले सरकारको आगामी यात्रा पनि स्पष्ट नभएको बताए।


सम्बन्धित सामग्री