काठमाडौँ– नेकपा एमालेका महासचिव शंकर पोखरेलले शक्ति पृथकीकरणको सिद्धान्तअनुरूप चल्न नसक्दा राज्यका सबै अंगप्रति जनताको भरोसा टुट्दै गएको बताएका छन्।
मंगलबार कानून दिवसको शुभकामना दिँदै उनले नियन्त्रण र सन्तुलनको सिद्धान्तको अभावमा राज्यका निकायमा स्वेच्छाचारिता बढेको दाबी गरे।
“राज्य कमजोर हुने र सामाजिक अराजकता बढ्दै जाने आजको परिस्थितिले नै चरम आर्थिक संकट उत्पन्न भएको हो,” उनले भनेका छन्।
मुलुकलाई सहीबाटोमा अघि बढाई नियन्त्रण र सन्तुलन कायम गर्न शक्तिपृथकीकरणको सिद्धान्तलाई स्थापित गर्नुपर्ने महासचिव पोखरेलको भनाइ छ।