काठमाडौँ– चर्च ब्वाइज युनाइटेड १३औँ जीतपुर सिमरा गोल्डकपको सेमिफाइनलमा प्रवेश गरेको छ।
मंगलबार भएको क्वार्टरफाइनलमा चर्च ब्वाइजले एपीएफ क्लबलाई २–१ ले पराजित गर्दै अन्तिम चारमा स्थान बनाएको हो।
सिमरा रंशालामा एपीएफका सन्तोष श्रेष्ठले २३औँ मिनेटमा गोल गर्दै टिमलाई अग्रता दिलाए पनि त्यसलाई जोगाउन सकेन।
चर्च ब्वाइजका सन्तोष न्यौपानेले ३१औँ मिन्टमा गोल गर्दै खेल बराबरीमा ल्याए। रञ्जित पाण्डेले ४३औँ मिनेटमा गोल गरेपछि चर्च ब्वाइजले अग्रता लिएको थियो।
उसले फाइनल प्रवेशका लागि बिहीबार न्युरोड टिम एनआरटीको सामना गर्नेछ। बुधबार हुने पहिलो सेमिफाइनलमा मकवानपुर ११ र हिमालयन शेर्पा भिड्दै छन्।