काठमाडौँ– कोशी प्रदेश नाम संशोधनको माग गर्दै पहिचानवादीहरूले विराटनगरमा प्रदर्शन गरेका छन्। ऐतिहासिक पृष्ठभूमिको आधारमा प्रदेशको नामकरण गर्नुपर्ने माग गर्दै पहिचानवादीहरूले विराटनगरमा प्रदर्शन गरेका हुन्।
प्रदर्शनलाई नियन्त्रणमा लिने क्रममा प्रदर्शनकारी र प्रहरीबिच झडप भएको छ। प्रदेश सरकारले भने फागुन १७ गते प्रदेशको नामकरण गरेको थियो। नामकरण खारेजीको माग गर्दै चैत ५ गते पहिलोपटक विराटनगरमा पहिचानवादीहरूले आन्दोलन गरेका थिए। प्रदर्शनकै क्रममा चैत ५ गते घाइते भएका पदम लिम्बूको चैत १० गते उपचारको क्रममा मृत्यु भएको थियो।
