काठमाडौँ– संघीय संसद्को काम कारबाहीलाई प्रभावकारी बनाउने विषयमा प्रधानमन्त्री पुष्पकमल दाहाल ‘प्रचण्ड’ र सभामुख देवराज घिमिरेबीच छलफल भएको छ।
सोमबार बिहान प्रधानमन्त्रीको सरकारी निवास बालुवाटारमा भएको भेटमा संसद्मा प्रस्तुत टीआरसी र संवैधानिक परिषद्सम्बन्धी विधेयकलाई चाँडो निष्कर्ष पुर्याउनेबारे छलफल भएको हो।
साथै संघीयता कार्यान्वयनसँग सम्बन्धित अन्य विधेयक र ऐन कानुन संशोधन विषयमा पनि कुराकानी भएको प्रधानमन्त्रीको सचिवालयले जनाएको छ।
आइतबार संसद्मा टीआरसी विधेयकमाथिको छलफलमा भाग सांसदहरूले विधेयक छिटोभन्दा छिटो कार्यान्वयनमा लगेर शान्ति प्रक्रियाका बाँकी काम पूरा गर्नुपर्ने बताएका थिए।
सैद्धान्तिक छलफल सकिएलगत्तै संक्रमणकालीन न्यायसम्बन्धी विधेयकमा संशोधन प्रस्ताव राख्न ७२ घन्टाको समय छुट्याइएको छ।