Friday, March 29, 2024

-->

कस्तो छ बुधबारको मौसम?

बुधबार दिउँसो कोशी, बागमती र गण्डकी प्रदेशमा मेघगर्जन र चट्याङसहित वर्षाको सम्भावना छ। 

कस्तो छ बुधबारको मौसम

काठमाडौँ– हाल देशमा स्थानीयसँगै पश्चिमी वायुको प्रभाव छ।

कोशी, मधेश तथा बाँकी प्रदेशका पहाडी भूभागमा सामान्य बदली रहेको छ। कोशी प्रदेशका केही स्थानमा हल्का वर्षा भइरहेको मौसम पूर्वानुमान महाशाखाले जनाएको छ।

दिउँसो देशभर आंशिकदेखि सामान्य बदली रहने छ। कोशी, बागमती र गण्डकी प्रदेशमा मेघगर्जन र चट्याङसहित वर्षाको सम्भावना छ।

राति पहाडी भूभागमा आंशिकदेखि सामान्य बदली रही बाँकी स्थानको मौसम सामान्यतया सफा रहने छ। पहाडी भूभागका मेघगर्जन र चट्याङसहित वर्षा हुनेछ।

हावाहुरी र चट्याङसहित वर्षा हुने भएकाले सतर्कता अपनाउन महाशाखाले अनुरोध गरेको छ।


सम्बन्धित सामग्री