काठमाडौँ– नेपाली बजारमा बिहीबार सुनचाँदीको मूल्य बढेको छ।
बुधबार स्थिर रहेको सुन प्रतितोला एक हजार रुपैयाँले बढेको हो। नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला एक लाख छ हजार ७०० रुपैयाँमा कारोबार भइरहेको छ।
बुधबार एक लाख पाँच हजार ७०० रुपैयाँ थियो। तेजाबी सुन एक लाख छ हजार २०० रुपैयाँमा कारोबार भइरहेको छ।
यस्तै चाँदी तोलामा पाँच रुपैयाँले बढेको छ। चाँदी एक हजार ३०५ रुपैयाँ पुगेको महासंघले जनाएको छ।