काठमाडौं– निर्वाचन आयोगले बुधबार मंसिर ४ मा सम्पन्न भएको प्रतिनिधिसभा र प्रदेशसभा सदस्य निर्वाचन, २०७९ को अन्तिम नतिजा घोषणा गर्ने भएको छ।
आयोगले १:३० बजे आयोगको मिडिया सेन्टरमा पत्रकार सम्मेलनको आयोजना गरेर नतिजा घोषणा गर्न लागिएको जनाएको छ।
आयोगका अनुसार प्रतिनिधिसभा र प्रदेशसभातर्फको प्रत्यक्ष र समानुपातिकतर्फको समेत नतिजा बुधबार घोषणा हुने छ।
अन्तिम नतिजा घोषणापछि आयोगले निर्वाचनको मतपरिणामसहितको प्रतिवेदन राष्ट्रपतिसमक्ष बुझाउने तयारी गरेको छ।