काठमाडौँ– लेखक निर्मलकुमार थापाको नयाँ कथासंग्रह ‘एकान्त’ सार्वजनिक भएको छ।
फरक खालका कथा लेखनमा रुचि राख्ने निर्मलको यो तेस्रो कथासंग्रह हो। यसअघि उनले ‘एकादेशमा’ र ‘एकालाप’ कथासंग्रह ल्याएका थिए। ‘एकान्त’मा उनका १९ कथा समेटिएका छन्।
बिहीबार काठमाडौँमा आयोजित कार्यक्रममा लेखक कुमार नगरकोटी, अभिनेता निखिल उप्रेती र रंगकर्मी घिमिरे युवराजले संयुक्त रुपमा पुस्तक सार्वजनिक गरे।