काठमाडौँ– गायिका टीका प्रसाईंले ‘आश छ र त’ बोलको गीत बजारमा ल्याएकी छन्।
उनको यो गीत उनकै युट्युब च्यानल टीका प्रसाईंबाट सार्वजनिक भएको छ। आफ्नै रचना र संगीत रहेको गीतमा उनी आफैँले स्वर दिएकी छन् भने गीतमा नरेन कुलुङ राईको पनि स्वर रहेको छ।
विजय मगरको निर्देशनमा बनेको म्युजिक भिडियोमा प्रसाईं र राईले अभिनय गरेका छन्। प्रसाईं पछिल्लो पुस्ताकै चर्चित गायिका हुन्। उनको स्वरमा रहेका अधिकांश गीतहरू चर्चित छन् भने युट्युबमा पनि करोड क्लबमा समावेश छन्।